ರಚನೆ: ವೀರೇಂದ್ರ ಬೇಗೂರು ಹಾಸನ
ಲಕ್ಷದೀಪೋತ್ಸವ ಧರ್ಮಸ್ಥಳದಲ್ಲಿ
ಶ್ರೀಮಂಜುನಾಥನ ಸನ್ನಿಧಿಯಲ್ಲಿ
ಅಂಧಕಾರವು ಕಳೆಯುವುದಿಲ್ಲಿ
ಜ್ಞಾನ ಜ್ಯೋತಿಯು ಬೆಳಗುವುದಿಲ್ಲಿ||ಪ||
ನ್ಯಾಯ ದೀಕ್ಷೆಯು ಅವನಡಿಯಲ್ಲಿ
ಜ್ಞಾನ ದೀಕ್ಷೆಯು ಶಿವಸ್ಥಳದಲ್ಲಿ
ಮೈತ್ರಿಭಾವವು ಜನಮನದಲ್ಲಿ
ಧರ್ಮಸ್ಥಳ ಮಹಾಪೀಠದಲ್ಲಿ||೧||
ಧರ್ಮಸಮನ್ವಯ ಕಾಣುವುದಿಲ್ಲಿ
ಬಾಹುಬಲಿಯ ಸನ್ನಿಧಿಯಲ್ಲಿ
ಧರ್ಮರಕ್ಷೆಯು ನಿತ್ಯವೂ ಇಲ್ಲಿ
ಧರ್ಮದೇವತೆಯ ಶ್ರೀರಕ್ಷೆಯಲ್ಲಿ ||೨||
ನೊಂದಜನರು ಬೇಡಿಬರಲು
ಮಂಜುನಾಥನ ಸನ್ನಿಧಿಯಲ್ಲಿ
ಅಭಯವ ನೀಡಿ ಸಲಹುವರು
ಹೆಗ್ಗಡೆಯವರು ಶ್ರೀ ಕ್ಷೇತ್ರದಲ್ಲಿ||೩||
ಧರ್ಮಸೇವೆಯು ನಡೆಯುವುದು
ಶ್ರೀಧರ್ಮಸ್ಥಳ ಮಹಾವೈಭವದಲ್ಲಿ
ಭಕ್ತರ ಬಾಳು ಬೆಳಗುವುದು
ಶ್ರೀ ಕ್ಷೇತ್ರದ ಮಹಾಉತ್ಸವದಲ್ಲಿ||೪||
