ಬೆಂಗಳೂರಿನ ಜಯನಗರದ 5ನೇ ಬಡಾವಣೆಯಲ್ಲಿರುವ ನಂಜನಗೂಡು ಶ್ರೀ ರಾಘವೇಂದ್ರಸ್ವಾಮಿಗಳವರ ಮಠದಲ್ಲಿ ಪರಮಪೂಜ್ಯ ಡಾ|| ಶ್ರೀ 108 ಶ್ರೀ ಸುಬುಧೇಂದ್ರ ತೀರ್ಥ ಶ್ರೀಪಾದಂಗಳವರ ಆದೇಶ ಅನುಗ್ರಹದೊಂದಿಗೆ “ಉತ್ತರಾಯಣ” ಪುಣ್ಯ ಪರ್ವಕಾಲ ಪ್ರಯುಕ್ತ ಇಂದು (ಜ. 14) ಮಧ್ಯಾಹ್ನ 2 ಗಂಟೆಯ ನಂತರ ಶ್ರೀರಾಘವೇಂದ್ರ ಸ್ವಾಮಿಗಳವರ ಬೃಂದಾವನಕ್ಕೆ ಅಭಿಷೇಕ ಹೂವಿನ ಅಲಂಕಾರ ಸಹಿತ ಮಹಾಮಂಗಳಾರತಿಯೊಂದಿಗೆ ನೆರವೇರಿಸಲಾಯಿತು.
ತದ ನಂತರ ಸಂಜೆ 6.30 ಕ್ಕೆ ಪ್ರತಿ ಗುರುವಾರದಂತೆ ರಥೋತ್ಸವ ತೊಟ್ಟಿಲು ಸೇವಾ ಹಾಗೂ ಸಾಮೂಹಿಕ ಸಹಸ್ರ ದೀಪೋತ್ಸವದೊಂದಿಗೆ ಶ್ರೀ ಮಠದ ಹಿರಿಯ ವ್ಯವಸ್ಥಾಪಕರಾದ ಆರ್ ಕೆ ವಾದೀಂದ್ರ ಆಚಾರ್ಯರ ನೇತೃತ್ವದಲ್ಲಿ ನೆರವೇರಿತು.
ಈ ಸಂದರ್ಭದಲ್ಲಿ ಭಕ್ತಾದಿಗಳು ಭಾಗವಹಿಸಿ ಶ್ರೀರಾಘವೇಂದ್ರ ಸ್ವಾಮಿಗಳ ಅನುಗ್ರಹಕ್ಕೆ ಪಾತ್ರರಾದರು ಎಂದು ನಂದಕಿಶೋರ ಆಚಾರ್ಯರು ತಿಳಿಸಿದರು.
