ತುಮಕೂರು: ಶ್ರೀ ಸಿದ್ಧಗಂಗಾಮಠದಲ್ಲಿ ಲಿಂಗೈಕ್ಯ ಡಾ.ಶ್ರೀ ಶ್ರೀ ಶ್ರೀ ಶಿವಕುಮಾರ ಮಹಾಸ್ವಾಮಿಗಳವರ ದ್ವಿತೀಯ ವರ್ಷದ ಪುಣ್ಯಸ್ಮರಣೋತ್ಸವ ಕಾರ್ಯಕ್ರಮ ನಡೆಯುತ್ತಿದೆ. ರಾಜ್ಯದೆಲ್ಲೆಡೆಯಿಂದ ಸಾವಿರಾರು ಭಕ್ತರು ಶ್ರೀಗಳ ಗದ್ದುಗೆ ದರ್ಶನ ಪಡೆಯುತ್ತಿದ್ದಾರೆ.
ಬೂಂದಿ, ಮಾಲ್ದಿ, ಚಿತ್ರಾನ್ನ, ಕೀರಿನ ದಾಸೋಹ
ಸಿದ್ಧಗಂಗೆಯ ಲಿಂಗೈಕ್ಯ ಶ್ರೀಗಳ ಪುಣ್ಯಸ್ಮರಣೆಗೆ ಬರುವ ಭಕ್ತರಿಗಾಗಿ ನಾಲ್ಕು ಕಡೆ ಸಾವಿರಾರು ಮಂದಿ ಕೂರಲು ಅನುಕೂಲ ಕಲ್ಪಿಸಿ, ವಿಶೇಷ ದಾಸೋಹ ವ್ಯವಸ್ಥೆ ಮಾಡಲಾಗುತ್ತಿದೆ. ಸಿಹಿಬೂಂದಿ, ಕಾರಬೂಂದಿ,ಚಿತ್ರಾನ್ನ, ಪಾಯಸ, ಅನ್ನಸಾಂಬಾರ್, ಮಜ್ಜಿಗೆ, ಹೆಸರುಬೇಳೆ, ಪಲ್ಯ, ಉಪ್ಪಿನಕಾಯಿ ಬಡಿಸುತ್ತಿದ್ದು, ರಾತ್ರಿ ಇದರ ಜೊತೆಗೆ ಮಾಲ್ಡಿ ಪುಡಿಯನ್ನು ವಿಶೇಷವಾಗಿ ಭಕ್ತರಿಗೆ ದಾಸೋಹದಲ್ಲಿ ನೀಡಲಾಗುತ್ತದೆ.
