ಎಳ್ಳು-ಬೆಲ್ಲ, ಎಳ್ಳು-ಕೊಬ್ಬರಿ ಯಿಂದ ವಿಶೇಷ ಸಿಹಿ ತಿನಿಸನ್ನು ಮನೆಯಲ್ಲಿಯೇ ಶುಚಿರುಚಿಯಾಗಿ ತಯಾರಿಸಬಹುದು.
ಎಳ್ಳು ಬೆಲ್ಲ ಲಡ್ಡು
ಬೇಕಾಗುವ ಪದಾರ್ಥಗಳು: ಬಿಳಿ ಎಳ್ಳು1ಕಪ್, ಬೆಲ್ಲ 1ಕಪ್, ತುಪ್ಪ 3ಚಮಚ, ಏಲಕ್ಕಿ 2, 1/2 ಕಪ್ ನೀರು.
ತಯಾರಿಸುವ ವಿಧಾನ:
ಸಣ್ಣ ಉರಿಯಲ್ಲಿ ಎಳ್ಳನ್ನು ಬಿಸಿ ಮಾಡಿ. ಎಳ್ಳಿನ ಕಾಳು ಸ್ವಲ್ಪ ಹೊಂಬಣ್ಣಕ್ಕೆ ಬರುವವರೆಗೆ ಹುರಿಯಿರಿ. ಹುರಿದ ಎಳ್ಳನ್ನು ತಟ್ಟೆಗೆ ಹಾಕಿ ತಣಿಯಲು ಬಿಡಿ. ಪಾತ್ರೆಯಲ್ಲಿ ನೀರು ಕುದಿಸಿ ಬೆಲ್ಲವನ್ನು ಹಾಕಿ. ಆಗಾಗ್ಗೆ ತಿರುಗಿಸಿಕೊಂಡು ಅದನ್ನು ದಪ್ಪ ಮಿಶ್ರಣವಾಗಿಸಿ. ಈ ಮಿಶ್ರಣ ದಪ್ಪಗಾದ ನಂತರ, ಹುರಿದ ಎಳ್ಳಿನ ಕಾಳು ಮತ್ತು ಏಲಕ್ಕಿ ಹುಡಿಯನ್ನು ಸೇರಿಸಿ. ಚೆನ್ನಾಗಿ ಮಿಶ್ರ ಮಾಡಿ. ತುಪ್ಪವನ್ನು ಮಿಶ್ರಣವಿರುವ ಪಾತ್ರೆಗೆ ಹಾಕಿ. ಈ ಮಿಶ್ರಣ ಬಿಸಿ ಇರುವಾಗಲೇ (ತಣ್ಣಗಾದಲ್ಲಿ ಲಾಡು ಕಟ್ಟಲು ಕಷ್ಟ) ಲಾಡನ್ನು ಉಂಡೆ ಕಟ್ಟಲು ಪ್ರಾರಂಭಿಸಿ. ಕೈಗೆ ಸ್ಪಲ್ಪ ತುಪ್ಪ ಹಚ್ಚಿಕೊಂಡು ಸುಲಭವಾಗಿ ಉಂಡೆ ಮಾಡಿಕೊಳ್ಳಿ. ಬೆಲ್ಲ ತಣ್ಣಗಾದಾಗ ಗಟ್ಟಿಯಾಗುತ್ತದೆ ಆದ್ದರಿಂದ ಬಿಸಿಯಾಗಿರುವಾಗ ಲಾಡು ಉಂಡೆ ಕಟ್ಟಿ.
