ಹಸಿವಿನಿಂದ ನರಳುತಿರುವವರ
ಉದರವ ಔಷಧ ತಣಿಸುವುದೇ?
ಮೂಢನಂಬಿಕೆಗಳ ಬಲೆಯಿಂದ
ಪಾರಾಗಲು ಔಷಧ ಸಿಗುವುದೇ?//
ನೊಂದ ಹೂ ಮನಸುಗಳಿಗೆ
ಔಷಧಿ ಆಸರೆಯಾದಿತೇ?
ಬಾಳ ಬವಣೆಯಲಿ ಬೆಂದಿರುವ
ಜೀವಕೌಷಧಿ ಉಪಚರಿಸುವದೇ?//
ಹೆಣ್ಣ ದೇಹವ ಕಿತ್ತು ತಿನ್ನುವ ನರ
ರಾಕ್ಷಸರ ಮಣಿಸಲು ಔಷಧಿ ಇದೆಯೇ?
ನಶೆಯ ಅಮಲಿನಲಿ ಕಂದಮ್ಮಗಳನೂ
ಬಿಡದ ನೀಚರನಾಶಕ್ಕೆ ಔಷಧಿ ಇದೆಯೇ?//
ಒಲುಮೆಯಿಂದ ಮೋಸಗೊಳಿಸುವವರ
ತಿಳಿಯಲು ಔಷಧ ಇರುವದೇ?
ಉತ್ತಮರು,ಅಧಮರು ಯಾರೆಂದು
ಗುರುತಿಸಲು ಔಷಧ ಇರುವುದೇ?//
ಎಲ್ಲದಕ್ಕೂ ಪರಿಹಾರ ಔಷಧ
ನೀಡುವದಾದರೆ ಹೇಗಿರುತಿತ್ತು?
ಸಮಾಜದಲ್ಲಿ ಎಲ್ಲ ಸಮಸ್ಯೆಗಳಿಗೆ
ಔಷಧಿ ಉತ್ತರವಾಗಿದ್ದರೆ ಚೆನ್ನವಿರುತಿತ್ತೆ?//
* ಜ್ಯೋತಿ ಸಿ ಕೋಟಗಿ
ಶಿಕ್ಷಕಿ
ಸ ಮಾ ಪ್ರಾ ಶಾಲೆ ತಲ್ಲೂರ
