ಬೆಂಗಳೂರು: ‘ಸಮರ್ಥ ಭಾರತ’ ಸಾಮಾಜಿಕ ಸಂಸ್ಥೆಯು ಸ್ವಾಮಿ ವಿವೇಕಾನಂದರ ಜೀವನ ಸಂದೇಶವನ್ನು ಸಾರುವ ‘Be Good Do Good-2022’ ಎಂಬ ಬೃಹತ್ ಯುವ ಅಭಿಯಾನ ಏರ್ಪಡಿಸಿದೆ. ಈ ಕಾರ್ಯಕ್ರಮ ಜನವರಿ 12ರಿಂದ ಆರಂಭಗೊಂಡಿದ್ದು, 26 ರವರೆಗೆ ರಾಜ್ಯಾದ್ಯಂತ ನಡೆಯಲಿದೆ.
ಇದರ ಅಂಗವಾಗಿ ಫೇಸ್‌ಬುಕ್ ಉಪನ್ಯಾಸ ಸರಣಿ ಕಾರ್ಯಕ್ರಮ ಹಮ್ಮಿಕೊಂಡಿದ್ದು ಜನವರಿ 24 ರಂದು ಸಂಜೆ 6 ಗಂಟೆಗೆ ಮಂಗಳೂರು ವಿಶ್ವವಿದ್ಯಾಲಯದ ಪರೀಕ್ಷಾಂಗ ಕುಲಸಚಿವ ಡಾ. ಪಿ.ಎಲ್.ಧರ್ಮ ಅವರು ‘ಯುವಜನತೆಗೆ ಸ್ವಾಮಿ ವಿವೇಕಾನಂದರ ಸಂದೇಶ’ ಕುರಿತು ಉಪನ್ಯಾಸ ನೀಡಲಿದ್ದಾರೆ.
ಅಂದು ಬೆಂಗಳೂರು ವಿವಿಯ ಕುಲಸಚಿವ ಡಾ. ಎಂ.ಕೊಟ್ರೇಶ್ ಹಾಗೂ ದಾವಣಗೆರೆ ವಿವಿಯ ಡಾ. ಗಾಯತ್ರಿ ದೇವರಾಜ್ ಅವರೂ ಕೂಡಾ ಉಪನ್ಯಾಸ ನೀಡುವರು.
ಉಪನ್ಯಾಸವನ್ನು www.facebook.com/SamarthaBharata ದಲ್ಲಿ ನೇರವಾಗಿ ವೀಕ್ಷಿಸಬಹುದು.
