ಬೆಂಗಳೂರು: ಜಯನಗರದ ನಂಜನಗೂಡು ಶ್ರೀ ರಾಘವೇಂದ್ರಸ್ವಾಮಿಗಳವರ ಮಠದಲ್ಲಿ ಗುರು ರಾಘವೇಂದ್ರ ಸ್ವಾಮಿಗಳ427ನೇ ಹುಟ್ಟುಹಬ್ಬ ಜನ್ಮದಿನೋತ್ಸವದ ಅಂಗವಾಗಿ ಶ್ರೀರಾಘವೇಂದ್ರಸ್ವಾಮಿಗಳವರ ಬಂದಾವನಕ್ಕೆ ಫಲಪಂಚಾಮೃತ ಅಭಿಷೇಕ ಸಹಿತ “ಲಕ್ಷ ಪುಷ್ಪ” ಅರ್ಚನೆ ಕಾರ್ಯಕ್ರಮಗಳು ನಡೆದವು.
ಪರಮಪೂಜ್ಯ 108 ಶ್ರೀ ಶ್ರೀ ಸುಬುಧೇಂದ್ರತೀರ್ಥ ಶ್ರೀ ಪಾದಂಗಳವರ ಆದೇಶ ಅನುಗ್ರಹದೊಂದಿಗೆ ಶ್ರೀಮಠದ ವ್ಯವಸ್ಥಾಪಕರಾದ ಆರ್ , ಕೆ ವಾದೀಂದ್ರಾಚಾರ್ಯರ ನೇತೃತ್ವದಲ್ಲಿ ಅರ್ಚಕರಾದ ಕೃಷ್ಣಚಾರ್ ರಾಮಾಚಾರ್ಯರಿಂದ ರಾಯರ ಬೃಂದಾವನಕ್ಕೆ ವಿಶೇಷವಾಗಿ ಲಕ್ಷಾವರ್ತಿಪಾರಾಯಣ ಸಂಘದ ಶ್ರೀ ವೇಣು ಗೋಪಾಲ್ ವೃಂದದವರಿಂದ ಪಾರಾಯಣ ಸಹಿತ “ಲಕ್ಷ ಪುಷ್ಪಾರ್ಚನೆ” ಮತ್ತು ಉತ್ಸವಗಳು ಪಾದಪೂಜೆ ಕನಕಾಭಿಷೇಕಗಳು ನೆರವೇರಿತು.
ಈ ಸಂದರ್ಭದಲ್ಲಿ ಭಕ್ತರೊಬ್ಬರು ಶ್ರೀ ಗುರು ರಾಯರ ಪಾದುಕೆ ಗಳನ್ನು ಇರಿಸಲು ರಜತ ತಟ್ಟೆಯನ್ನು ಸಮರ್ಪಿಸಿದರು. ಭಕ್ತಾದಿಗಳಿಗೆ ಅನ್ನಸಂತರ್ಪಣೆ ನಡೆಯಿತು. ಸಂಜೆ 7 ಕ್ಕೆ ಅಪರ್ಣಆನಂದ್ ವೃಂದದವರು “ದಾಸವಾಣಿ” ಕಾರ್ಯಕ್ರಮ ನೆರವೇರಿಸಿಕೊಟ್ಟರು.
