*ರೂಪಾಪ್ರಸಾದ ಕೋಡಿಂಬಳ
ಎನಿತು ಚಂದವೊ ಪಾಡಿ ಪೊಗಳಲು ನಿನ್ನ ಮಹಿಮೆಯ ರಾಘವ ಇನಿತು ದೂರಕೆ ಸಾಗಿ ಬಂದಿದೆ ನನ್ನ ಬಾಳಿದು ಸುಂದರ.... || ನಿತ್ಯ ಗುರುವಿನ ಚರಣಕೆರಗುವೆ ಭಕ್ತಿ ಭಾವವೆ ಹಂದರ ಸತ್ಯದರಿವನು ಎತ್ತಿ ತೋರುವೆ ಕಪಟವಿಲ್ಲದೆ ಈಶ್ವರ.....|| ಶಕ್ತಿ ಎಮಗೆ ನೀಡು ದಿನವೂ ಸನ್ಮಾರ್ಗ ಪಥದಲಿ ಸಾಗಲು ಯುಕ್ತಿ ದೀಪವ ಹಚ್ಚಿ ತೋರು ಸುಜ್ಞಾನದಿಂದ ಬೀಗಲು...|| ವಿದ್ಯೆಗಳನು ಧಾರೆಯೆರೆಯುವ ವಿಷ್ಣುಗುಪ್ತ ವಿದ್ಯಾಲಯ ಬುದ್ಧಿಗಳನು ಹರಿತಗೊಳಿಸುವ ಅರುವತ್ನಾಲ್ಕು ವಿದ್ಯೆಯ ಆಲಯ || ಅಶೋಕೆಯಲ್ಲಿ ಎದ್ದು ನಿಂತಿದೆ ಮಲ್ಲಿಕಾರ್ಜುನ ದೇಗುಲ ಶೋಕವಿಲ್ಲದ ಲೋಕದಂತಿದೆ ಭಾನ್ಕುಳಿಯ ಗೋ ಸಾಗರ... || ಶಂಕರರನು ನಿತ್ಯ ಸ್ತುತಿಸಲು ಬಾಳಿಗದುವೇ ಪ್ರೇರಣ ಗೋವುಗಳನು ಸಾಕಿ ಸಲಹಲು ಬದುಕಿಗದುವೇ ಹೂರಣ.... ||
