ಬಾಗಿ ಬಿಡಿ

ಸೊಸೆಯಲ್ಲಿ ಬಯಸುವ 

ಸಂಸ್ಕಾರವನ್ನು ಮೊದಲು

ಮನೆಯ ಮಗಳಿಗೆ ನೀಡಿರಿ

ಅಳಿಯನಲ್ಲಿ ಬಯಸುವ

ಸಂಸ್ಕಾರವನ್ನು ಮೊದಲು

ಮನೆಯ ಮಗನಿಗೆ ನೀಡಿರಿ

ಅತ್ತೆಯಲ್ಲಿ ತಾಯಿಯಂತಾ

ಮಮತೆ ವಾತ್ಸಲ್ಯಬೇಕಾದರೆ

ಹಡೆದ ಅವ್ವನಂತೆ ಕಾಣಿರಿ

ಸೊಸೆಯಲ್ಲಿ ಮಗಳಂತಾ

ಸ್ನೇಹ ಪ್ರೀತಿ ಬೇಕಾದರೆ

ಕಂದಮ್ಮನೆಂದು ಕ್ಷಮಿಸಿಬಿಡಿ

ಕ್ಷಣಮಾತ್ರದ ಈ ಬದುಕಲಿ

ಅರಿಷಡ್ವರ್ಗಗಳ ಮೆಟ್ಟಿ ನಿಂತು

ಜೀವನವನ್ನು ಸುಂದರವಾಗಿಸಿ

ಸಂಸಾರ ನೌಕೆ ದಡಸೇರಲು

ಬಾಗುವುದಾದರೆ ಮಹಾದೇವ

ಇರುವನೆಂದು ಬಾಗಿಬಿಡಿ.

ಜ್ಯೋತಿ ಕೋಟಗಿ ಬೈಲಹೊಂಗಲ 

ಬಿ ಆರ್ ಪಿ ಚ. ಕಿತ್ತೂರು