ಶೃಂಗೇರಿ ಶ್ರೀ ಶಾರದಾ ಪೀಠದಲ್ಲಿ ಶರನ್ನವರಾತ್ರಿ

ಶೃಂಗೇರಿ ಶ್ರೀ ಶಾರದಾ ಪೀಠದಲ್ಲಿಅ.15ರಿಂದ 25ರ ವರೆಗೆ ಶರನ್ನವರಾತ್ರಿ ಉತ್ಸವ ಇರಲಿದೆ.ಅ.14ರಂದು ಭಾದ್ರಪದ ಅಮಾವಾಸ್ಯೆಯ ದಿನ ಜಗನ್ಮಾತೆ ಶ್ರೀ ಶಾರದಾಂಬೆಗೆ ಮಹಾಭಿಷೇಕ ನೆರವೇರಲಿದೆ. ಅಂದು ಶ್ರೀ ಶಾರದೆ ಜಗತ್ಪ್ರಸೂತಿಕಾ ಅಲಂಕಾರದಲ್ಲಿಕಂಗೊಳಿಸಲಿದ್ದಾಳೆ.
ಅ.15ರಂದು ಶ್ರೀ ಶಾರದಾಪ್ರತಿಷ್ಠೆ, ಬ್ರಾಹ್ಮಿ ಅಲಂಕಾರ, ಅ.16-ಹಂಸವಾಹಿನಿ ಅಲಂಕಾರ, ಅ.17-ಮಾಹೇಶ್ವರಿ, ಅ.18 ಮಯೂರ ವಾಹನ ಅಲಂಕಾರ, ಅ.19ರಂದು – ವೈಷ್ಣವಿ ಅಲಂಕಾರ ಹಾಗೂ ಶತಚಂಡೀಯಾಗ, ಪುರಶ್ಚರಣಾರಂಭ. ಅ.20- ಸರಸ್ವತ್ಯಾವಾಹನೆ, ವೀಣಾಶಾರದಾಲಂಕಾರ. ಅ.21-ಮೋಹಿನಿ ಅಲಂಕಾರ, ಅ.22-ರಾಜರಾಜೇಶ್ವರಿ ಅಲಂಕಾರ. ಅ.23-ಮಹಾನವಮಿ ವಿಶೇಷ. ಸಿಂಹವಾಹನಾಲಂಕಾರ, ಶತಚಂಡೀಯಾಗದ ಪೂರ್ಣಾಹುತಿ, ಗಜಾಶ್ವಪೂಜೆ, ಸಂಜೆ ವಿಜಯೋತ್ಸವ, ಶಮೀಪೂಜೆ ನಡೆಯಲಿದೆ. ಅ.24-ವಿಜಯದಶಮಿ ಸಂಭ್ರಮ, ಗಜಲಕ್ಷ್ಮೀ ಅಲಂಕಾರ, ಲಕ್ಷ್ಮೀನಾರಾಯಣ ಹೃದಯಹೋಮ, ರಾಮಪಟ್ಟಾಭಿಷೇಕ ಸರ್ಗ ಪಾರಾಯಣ ನಡೆಯಲಿದೆ. ಅ.25ರಂದು ಶ್ರೀ ಶಾರದಾಂಬಾ ಮಹಾರಥೋತ್ಸವ, ಶ್ರೀ ಜಗದ್ಗುರುಗಳ ಅಡ್ಡಪಲ್ಲಕ್ಕಿ ಉತ್ಸವ ನೆರವೇರಲಿದೆ.