*ಜ್ಯೋತಿ ಕೋಟಗಿ ಶಿಕ್ಷಕಿ
ಸ.ಮಾ.ಪ್ರಾ. ಶಾಲೆ ತಲ್ಲೂರ
ನಿನಗಾಗಿ ಕಾಯುತಿಹರು ಎಲ್ಲ ಹಾಲೆರೆಯಲು ಸಿದ್ಧತೆ ಮಾಡಿರುವರೆಲ್ಲ ನಿಜವಾಗಿ ನೀ ಬಂದರೆ ಮೆಲ್ಲ ಬಿಟ್ಟೋಡುವದು ನಿಜ ಎಲ್ಲ|| ಮಣ್ಣಿನ ನಾಗನಿಗೆ ಪೂಜೆ ನಿಜನಾಗನಿಗೆ ಸಜೆ ಆಚರಿಸಿಕೊಂಡು ಬಂದಿಹರು ಹೀಗೆ ನಿಜನಾಗನಿಗೆ ಹಾಲೆರದರೆ ಹೇಗೆ|| ನಾಗಪ್ಪ ನಿನಮೇಲೆ ಹೇಳದಷ್ಟು ಭಯ ಭಕ್ತಿ ಅದ್ಯಾಕೋ ತಿಳಿಯದು ಕಂಡರೆ ನಿನ್ನ ಓಡುವರು ಗ್ಯಾರಂಟಿ|| ಪುರಾಣಗಳಲಿಹುದು ನಿನಗೆ ಅಗ್ರಸ್ಥಾನ ಭೂತಾಯಿಯ ಮಡಿಲೇ ನಿನ್ನ ವಾಸಸ್ಥಾನ ಹರನ ಕೊರಳ ಆಭರಣ ಹರಿಯ ಸುಖನಿದ್ರೆಯ ಸಿಂಹಾಸನ|| ಕರಮುಗಿದು ಬೇಡುವೆ ಆದಿಶೇಷ ಕಾಪಾಡುವ ಹೊಣೆ ನಿನ್ನದೇ ದೇವ ನಂಬಿಹೆ ನಿನ್ನನೇ ನಾಗರಾಜ ಸದಾ ಹರಿಸೆಮ್ಮ ನಾಗದೇವ||
