*ಗ* ಣೇಶ ನಿನ್ನಯ ಬರುವಿಕೆಯಿಂದ
ಸಂತಸ ಸಂಭ್ರಮ ಮನೆ ತುಂಬ||
*ಗಾ* ಯನ ಲಹರಿಯ ಹರಿಸುತ ಎಲ್ಲ
ಸಿಹಿಯನು ಸವಿಯುತಿಹರು ಮೆಲ್ಲ||
*ಗಿ* ಟುಕು ಕೊಬ್ಬರಿಗೆ ಬೆಲ್ಲವ ಸೇರಿಸಿ
ಮೋದಕ ತಯಾರಿ ನಡೆಸಿಹವು ಕೂಡಿ||
*ಗೀ* ತ ಪ್ರಿಯ ನೀ ಗಣಪತಿರಾಯ
ಶಿರವನು ಬಾಗಿಸಿ ಮುಗಿವೆನು ಕೈಯ್ಯ||
*ಗು* ಡಿಯೊಳು ನೀ ಪ್ರಥಮ ಪೂಜಿತನು
ದೇವ ದೇವತೆಗಳಿಗೆ ಗಣನಾಯಕನು||
*ಗೂ* ಡನು ಕಟ್ಟುವ ಮುನ್ನದಿ ನಾವು
ಕಷ್ಟ ನಿವಾರಿಸೆಂದು ಬೇಡುವೆವು||
*ಗೆ* ಲುವಿಗೆ ಕಾರಣ ಕರ್ತನು ನೀನು
ಜಯವನು ನಿನ್ನಲಿ ಬೇಡುವೆವು||
*ಗೇ* ಣು ಬಟ್ಟೆಗೆ ಪರದಾಟವು ಇರೆ
ನಿಲ್ಲಿಸು ನಮ್ಮಯ ಅಲೆದಾಟಾ||
*ಗೈ* ವೆವು ಆದರದಿ ಸ್ವಾಗತವನು
ಅನುದಿನ ನಿನ್ನನು ಪೂಜಿಪೆವು||
*ಗೊ* ಣಗಾಟವನು ದೂರೀಕರಿಸುವ
ವಿಘ್ನೇಶ್ವರ ಹೇ ವಿನಾಯಕನೇ ||
*ಗೋ* ಕರ್ಣದಲಿ ವಟುವಿನ ವೇಷದಿ
ಆತ್ಮ ಲಿಂಗವ ಹಿಂಪಡೆದವನೆ||
*ಗೌ* ರಿ ತನಯ ಗಜವದನನು ನೀ
ಹೇ ಲಂಬೋದರ ಹರಿಸೆಮ್ಮನು||
*ಗಂ* ಧ ಧೂಪಾರತಿ ಬೆಳಗುತ ನಾವು
ರಾಗದಿ ಮಂಗಲ ಹಾಡುವೆವು||
*ಗಃ* ಹ ಗಃಹ ನಕ್ಕ ಚಂದಿರನನ್ನು
ಕ್ಷಮಿಸಿ ಬಿಡೆಂದು ಬೇಡುವೆವು||
*ರಚನೆ: ಶ್ರೀಮತಿ ಜ್ಯೋತಿ ಕೋಟಗಿ
